رواية ميمو الفصل الثالث بقلم رانيا أبو خديجة
رواية ميمو لرانيا أبو خديجة
روايه ميمو
الفصل الثالث
#ميمو
#رانيا_أبو_خديجة
لقينا المزيكا فصلت فاجأة والنور طفى وسكوت عم عالمكان...قولت بصوت عالي
_ غدير...يلا نمشي ...هما طفوا النور وسكتوا كدة لية؟!
سمعت صوت جنبي بيقول
_ دة ميمو وصل...
ميمو!!! ....انا سمعت الاسم دة قبل كدة فين....مش دة اللي كان بيتكلم عنه الولاد في الفصل
سمعنا فاجأة أصوات موتسكلات كتير واضائتهم داخلة علينا تشق الضلمة اللي واضح انهم عملوها مخصوص عشان اضاءة الموتوسيكلات تبان. .. كان أولهم موتوسيكل من اللي هو العالي دة متقدمهم كلهم ...بعديه باقي الموتوسيكلات ...... وبدأوا يلفوا في الفرح ويعملوا شو واضح انة ابهر الكل الا أنا كنت مركزة في حاجة تانية خالص وهي البني ادم اللي راكب المتوسيكل الاكبر واللي متقدمهم دة نزل وطلع المسرح مع النور اللي ولع فاجأة دة...ومسك المايك وبدء يحيي العريس والعروسة
_ تحية من ميمو لكل الموجودين...اهلي واخواتي واصحااابي وكل نواحي المنطقة حارة حارة وشارع شارع
فضلت متنحة لية ...فضل يتكلم في المايك شوية ويحيي ناس كتير اول ما يقول اسمهم يقوموا يحييوا باديهم وابتسامة فرحة وكأنهم في حالة فخر وشرف انه افتكرهم وحياهم بالاسم...
وبعدين مسك عصايا وبدأ يرقص بيها بشكل احترافي...وجميل صراحة .... اصلا كان شكلة غريب وحلو ..لابس جاكت جلد اسود مفتوح على تيشرت ابيض وبنطلون جينز وسلسلة طويلة في رقبتة هي اللي مبوظة المنظر لكن في النهاية شكلة غريب وحلو .... عندة كاريزما وحضور رهيب من وقت ما دخل وهو خاطف انظار الكل.. ثواني ثواني ايه دة !!؟!
لقيت رقاصة طلعت فاجأة المسرح وبدأ يرقص ويندمج معاها بالعصاية اللي في ايدة وطبعاً الناس متحمسة وعمالين يسقفوا وكأنهم بيشجعوا ماتش كورة ...ازاي البني ادم دة مشهور هنا كدة ومعروف بالشكل دة؟!!!
_ يلا يا سلمى قومي نرقص
كنت رافعة راسي اللي اتلوحت دي على المسرح مركزة معاه غصب عني حركاتة وطريقتة خاطفة عيني...التفت على صوت غدير اللي بدأت ترقص وتتحرك فعلا وهي واقفه
_ اقعدي يا غدير...وخليكي جنبي ...اقعدي هترقصي مع مين اصلا هو انتي تعرفي حد هنا
_ يا سلمى ما كل الناس بترقص اهي هو في حد مركز مع حد ولا شايف حد... وبعدين احلى حاجه بقى ان محدش يعرفنا
وفعلا سابتني وقربت من دايرة البنات وفضلت ترقص معاهم بصيت حواليا لقيت الناس انقسمت لفريقين رجالة فوق بعض عاليمين بيرقصوا وبنات على الشمال عاملين دايرة كبيرة وبيرقصوا العروسة وسطيها وطبعا هو نزل من عالمسرح اول ما نمرة الرقاصة خلصت
التفت ادور علية بعيني يا ترى هيعمل اية تاني بعد كدة
واقف هناك بيتكلم مع واحد كبير لابس جلبية زي ما يكون عمدة او من كبار المكان... واقف معاه بمنتهي الثقة ...حتى وقفتة تلفت النظر وفي ايدة سيجارة ياخد منها نفس وينفخ دخان كتير يشوش حتى على وش اللي قدامة ...التفت بوشة وهو بيتكلم
يا نهار ابيض عيني جت في عينة ...ياااه اتنهدت برتياح اول ما مركزش ومشي
ياريت نتعدل بقى ونحترم نفسنا كدة ونبطل نبحلق في خلق الله ...سمعت كلام نفسي واتعدلت فعلا وبدأت ابص على دايرة البنات ابتسمت على رقص غدير واندماجها معاهم وكانهم صحابها وتعرفهم من سنين ....اية دة شميت ريحة برفان رجالي قوية.. قويه قوي قريبة مني جدا التفت الناحية التانيه لقيتة بيعدي من جنبي مفيش بينا خمسة سانتي حتى ... المشكله ان انا حسيت دلوقتي اني فعلا باينة وظاهرة في النص قاعدة لواحدي مع كام ست كبيرة عواجيز التفت اتاكد ...دة فعلا مفيش بنت قاعدة كدة غيري وبالاحمر اللي انا لبساة دة اكيد ملفتة للنظر لاي حد معدي وانا بتلفت حواليا كدة عيني جت في عينة تاني ...
التفت بوشي بسرعة لما لقيتة ركز في نظرتة في عيني المرادي بالشكل دة....فضلت شوية متوترة حاسة في عيون مركزة معايا ....التفت براحة وكاني ببص عادي في المكان ...ملقتوش ..اية دة راح فين ...بصيت في كل حتة مش موجود ...
..……...…................
_ نورت الفرح يا ميمو
_ دة نورك يا خال...
_ يوسف وشه نور من الفرحة بس اول ما شافك داخل الفرح وعرف انك جيت
_ يوسف وابوة صحابي الروح بالروح ومكنش ينفع اتأخر ابدا
_ هقوم احيبلك حاجة تشربها
_ هاتلي شاي بس يا أبا
ابتسمت اما لاحظت ام احمر دي قاعدة كدة بعيد عن دوشة البنات وعمالة تتلفت حواليها وكأنها بتدور على حد .... مالها كانت مركزة معايا كدة لية .... لأ بس جامدة
اخدت نفس من السيجارة اللي في ايدي وانا بلتفت .. أبص عليها...لقيتها قامت وراحت شدت واحدة من بين البنات ومشيوا سوا واضح انها صحبتها لانها تشبهها في هيئتها المختلفة عن الموجودين هنا في الحارة،
_ فورتيكا بنت اللذين ...يلا لصاحب نصيبها
_ بتكلم نفسك يا ميمو
التفت على صوت نادي صاحبي
_ لا يا حبيبي انا معاك اهو ..بقولك صحيح ..حوارات الشغل كترت ولازم نقعد مع الرجالة نظبط الحواديت دي كلها
...……...........
_ الله يسامحك يا سلمى...جاية لما الفرح سخن والجو ولع ونمشي
_ هو انتي مش حاسة اننا اتأخرنا مثلا ... وبعدين انا قاعدة مرعوبة أساساً...الاجواء هنا تخوف غير مألوفة كدة
= مس سلمى يا مس سلمى ..مس غدير!!!!
التفت على اللي بينده علينا دة وخله المنطقة كلها تبص علينا
_ ايه يا هيثم يا حبيبي...فيه ايه
= هو انتوا ماشيين ليه...خليكوا شوية دة يوسف أخويا مش بيتجوز كل يوم
_ اتأخرنا يا حبيبي... وبعدين انت كمان المفروض تكون نمت دلوقتي اصلا
= لأ يا مس ...دة لسة السهرة هنا صباحي
كنا بنتكلم واحنا ماشيين باتجاه عربيتي وفاجأة لمحت شلة شكلها مريب كدة قاعدين على العربية بتاعتي
..............................
= ميمو....ميمو...الحق يا ميمو
_ في ايه ياد يا هيثم...حصل ايه
= الواد مصطفى واصحابة... بيتخانقوا مع المس بتاعتي بره ومش عايزين يدوها العربية بتاعتها .... تعالى يا ميمو زعقلهم ومشيهم دة المس سلمى طيبة ومش هتعرف
#رانيا_أبو_خديجة
الناس اللي بتقولي الفصل صغير انا نفسي والله متضايقه ومش عارفه اقفله زي ما انا عايزه الفيس محجمني... لو عايزينا نرجع لموضوع الاسكرينات تاني قولوا مع اني فاكرة نااس كتير كانت بتضايق من الموضوع دة...قولولي في الكومنتات وانا معاك
واااا...ومتنسوش رأيكواااا في البارت دة وتوقعااااتكواااا للباارت الجااااي ♥️♥️♥️ قراءة ممتعة ♥️🥰
لقراءة الفصل الرابع من رواية ميمو 👇
🌹 الفصل الرابع 🌹
👇👇للانضمام لجروب الفيسبوك 👇👇
🔥 الانضمام 🔥
👇👇الانضمام لصفحة الفيسبوك 👇👇
🔥 الانضمام 🔥
إرسال تعليق