رواية 365 يوم امان كاملة جميع الفصول بقلم رانيا ابو خديجه

 رواية ٣٦٥ يوم أمان للكاتبة رانيا ابو خديجة 

رواية 365 يوم امان 

اقتباس 

جالس على مقعده ممدد ساقيه على سطح مكتبه الخاص بالعمل، بينما قابض كفه على سلاحه الناري وعينيه تنطق بما يغلو بداخله من غضبٍ وشرار، مَن يراه يعلم بأنه ينتظرها، يعلم مجيئها، بالتأكيد ستندفع إليه الآن متوسلة، متوسلة!! أيقدر على رؤيتها أمامه متوسلة، مُعذبة كعذابها له الأن، حائرة كحيرته؟! .. أيقدر بالفعل على تعذيبها وعقابها عما فعلته به!!!

انحرفت عينيه دون أن يلتفت برأسه اتجاه الباب عندما وصله خطوات مُسرعة أشبه بالركض؛ يبدو أنها قادمة الى مكتبه، انفتح الباب فجأة ودخلت كالإعصار، كما توقع تمامًا، يليه صراخها الغاضب المقهور:

_ بتسجن أمي يا علي!!!! وصلت بيك انك بتألف تهم وقضايا لست غلبانة ولا عمرها أذيتك في حاجة!!

ظل على وضعية جلوسه دون حراك؛ فقد عينيه مُعلقة بها وبطلتها عليه، فضربت بقبضتها على المكتب بعنف صارخة:

_ اتعدل وكلمني زي ما بكلمك.

نهض ببطءٍ شديد واتجه اليها ليقف أمامها مباشرتًا فتابعت هي بعصبية وغضب مفرط جعلها تهتز بمكانها وهي تصرخ بوجهه:

_ أنا أمي تترمي في الحجز بتهمة زي دي، انت اتجننت، انت ليه مؤذي كدا يا أخي، وازاااي، ازاااي كدااا!!! 

لم ينطق، فقط وضع يديه بجيوب بنطاله، عينيه تمر على وجهها الغاضب الذي لم يراه منذ ما حدث، نظرة رغم غضبها شعر باختناق بصوتها وكأنها على وشك البكاء المختلط بعصبيتها وصوتها الغاضب المرتفع.

_ أنا بقى مش هسكتلك، وهوديك في داهية، متنساش اني محامية وهعرف أخرج أمي من هنا كويس، وأقلب السحر على الساحر وأدخلك أنت مكاااانها.

ارتسمت ابتسامة ساخرة على جانبي شفتيه، ثم قال أخيرًا هامسًا:

_ انتِ محامية شاطرة فعلًا.

ثم اقترب خطوة إضافية وهمس بصوته المُدمر بسببها:

_ شاطرة قوي يا أستاذة هنا.

ثم انحنى برأسه يحك طرف أنفه بأصبعه وتابع بصوت أقوى:

_ وعارفة كويس يعني ايه واحدة في سنها تبقى مرمية في حجز مع أشكال أعتقد انتِ شوفتيها واتعملتي معاها قبل كدا، وحلني بقى على ما تثبتي حاجة، ربنا يدينا ويدي الست الوالدة القوة والصبر...وطولة العمر.

رغمًا عنها اهتزت دمعات القهر بعينيها أمامه، ثم هتفت بخفوت وكأن صوتها مختنق غير قادر على الظهور وقد تبدل رغمًا عنها من القوة والتهديد والثقة لذلك الضعف والتوسل الناتج عن قلة حيلتها أمام جبروته النابع من تحطم قلبه بما فعلته:

_ أمي ست كبيرة يا علي ..ومش هتقدر على البهدلة دي، وملهاش دعوة باللي بيني وبينك.

اقترب بخطر جعلها تتراجع خطوة للخلف ثم همس بغضب أسود أمام وجهها:

_ اللي بيني وبينك!!! ايه هو اللي بيني وبينك، تقدري تقوليلي!!

 صرخت حتى اهتزت الدمعات بعينيها لتسقط ساخنة على وجنتيها بغزارة:

_ انت كدا بتستغل منصبك وشغلك يا حضرة الظابط في ظلم ناس ملهاش أي ذنب ولا عمرها أذيتك في حاجة، انت كدا بقيت مجرم ظااالم، مؤذي!!

عاد يضع يديه بجيوب بنطاله ثم قال بجمود وقسوة:

_ البركة فيكِ، بقيت على ايدك مجرم ومؤذي، ومستعد أعمل اللي أكتر من كدا في سبيل أخد منك حق اللي عملتيه فيا.

ابتلعت غصة بمرارة نابعة من خوفها من القادم، تعلم أن القادم لم تكن حسبت له حساب من قبل، فسألت حتى ترضيه في سبيل إبعاد والدتها عما يحدث بينهم:

_ عايز ايه يا علي؟

نظر اليها كثيرًا، وتحولت نظرته من مجرد تمعن في عينيها بقوة إلى النظر من أعلى لأسفل بشكل جعلها ترتجف خوفًا لأول مرة أمامه ثم قال:

_ نتجوز.

استيقظت كل حواسها لكنه لم يمهلها فرصتها في الاندهاش أو التفاجئ بل تابع بقسوةٍ وقوة:

_ نتجوز ..وساعتها هعرف أخد حقي منك ازاي، هخليكِ تتمني متكونيش فكرتي تقابليني ولا تعرفيني في يوم من الأيام.

ثم اقترب يهمس بشر بالقرب من أذنها:

_ أنا هعرفك يعني ايه تفكري تلعبي معايا .. هكرهك في اليوم اللي فكرتي تلعبي فيه مع الرائد علي المصري.

٣٦٥ يوم أمان 

رانيا أبو خديجة 

رأيكوااا وتوقعاتكوااا..شكلها كدا اللي عدا كووم واللي جاي كووم تااني خاالص 🔥

تفتكروا هنا هتوافق على الجواز منه عشان خاطر والدتها؟!

طب لو وافقت واتجوزوا هيقدر يعاقبها رغم انه بيحبها؟!

...استنوا الفصل باذن الله...بس وروني وجودتكوا بس هنا وعالجروب ... قراءة ممتعة ♥️