رواية ميمو الفصل الثاني بقلم رانيا أبو خديجة
روايه ميمو بقلم رانيا أبو خديجه
رواية ميمو
الفصل_الثاني
#ميمو
#رانيا_أبو_خديجة
_ ولد!!!! انت بتقول اية لزمايلك وسجااااارة ة اية يا حيواااان اللي كنت عايز تجربها دي؟!
_ اومال يا مس لو سمعتي الباقي ...دة بيقول انة بيقلد ميمو في كل حاجة
ميمو...مين ميمو دة كمان؟!
_ ميمو دة يبقى صاحب بابا
_ ويبقى صاحب هيثم برضة يا مس
_ صاحبك ازاي يعني ..هو قدك؟!
_ لأ يا مس ...ميمو دة كبير
_ وازاي يا زفت انت تصاحب حد أكبر منك ...ويا ترى هو برضه اللي معلمك تقول الكلام اللي بسمعه منك ده وتكلمهم عن السجاير والقرف دة
_ لأ يا مس لأ ميمو دة كويس قوي وبيعلمني حاجات حلوة ...دة حتى الأسبوع اللي فات علمني اركب المكنة الرس بتاعتة بس اية كنت طاير بيها صاروخ زية بالظبط
_ ولد يا هيثم انا مش قولتلك متجيش المدرسة تاني الا ومعاك ولي أمرك ...مجاش معاك لية؟!
_ أبويا قالي عنده شغل ... بس أمي قالت هتجيلي النهاردة
.....................
_ انا عندي عتاب لحضرتك...دي مدرسه المفروض انها خاصة وبتقبل الطلبة بعد اختبارات كتير كمان يبقى ازاي طفل زي هيثم غير مؤهل للاختلاط باطفال المدرسة يتقبل بدون شروط اهمها انه يبقى متوافق فكرياً مع زمايلة على الاقل
_ انا ملاحظة انك بتتكلمي بطبقية يا سلمى
_ يا فندم طبقية اية بس ...هيثم بيقول كلام لزمايلة لو أهالي الأطفال اللي هنا سمعوا مش بعيد يبعدوا اولادهم عن هنا ويسحبوا وراقهم من هنا كمان ...طيب على الاقل كنا نأهلة الاول للدخول وسطيهم
_ سلمى دي مدرستي وانا صاحبة الإدارة فيها واقول مين يدخلها ومين غيرلائق وياريت تتفضلي على فصلك الاولاد مينفعش يبقوا لواحدهم كل دة ويعملوا مشاغبة
…..…..…....................
_ يعني انتي مش عارفه الابلة مرفت ماهي لازم تقبلة انتي متعرفيش ابوه عندة اية...انا سمعت الولد بيقول لزمايلة ان والدة بياع أخشاب كبير قوي... وبيدفع للمدرسة هنا قد كدة...ودة بقى قطاع خاص يعني بيشوف الفلوس فين ويروحلها
_ اشششش اسكتي اسكتي ...ولدته اللي جاية دي.
_ ووالدتة بتعمل اية هنا دلوقتي؟!
_ مانا كنت عملالة استدعاء ولي امر
_ اهااا... لأ فالحة
لقيتها بتقرب علينا بعد ما خرجت من عند المديرة وجاية ناحيتنا ... انا عارفه هو نهار مش باين من اوله
_ صباح الخير...انتي الابلة سلمى...ابلة هيثم
_بصي حضرتك هي سلمى يعني بتخاف زيادة شويه على الطلبة بتوعها عشان كدة تلاقيها شديدة شوية فأي حاجة تمسهم يعني
_ انا مش فاهمة حضرتك والاستاذة مرفت مش قادرين تفهموا وجهت نظري لية وحضرتك متضايقة لية دة انا....
_ مين قالك اني متضايقة....بالعكس دة هيثم بيحبك قوي وعلطول يحكي لأخواتة عنك
بصيت لغدير لقيتها بصت للست بابتسامه واسعة وبدأت تلاعب ودان هيثم قدامها
_ والله ربنا يعلم أنا بحب كل الاطفال اللي هنا قد ايه
_ ماما ماما ...خليها تيجي فرح يوسف ... عشان خاطري
_ صحيح بالمناسبه دي خليني اعزمك على فرح يوسف ابني الكبير
_ ياريت يا مس والله هفرح قوي لو جيتي
_ الف مبروك بس اعذريني انا مقدرش ار...
_ وفيها اية يا سلمى منروح ...بقالنا كتير مخرجناش سوا ولا انا مش معزومة يا هيثم
لقيت الولد رد بفرحة
_ ياريت يا مس غدير...الفرح كدة هيبقى جميل
وبعد شوية رغي ومجاملات مع الست الغريبة دي لكن لطيفة الحقيقة مشيت
_ مين قالك يا ست غدير اني عايزة اروح افراح ؟؟!
_ هو احنا مش كنا متفقين نخرج سوا ...مفيش أحلى من دي خروجه.. فرح يعني طبل ورقص وحاجة اخر منجهه....مينفعش نضيع الفرصة.
قالت كلامها الاخير وهي بتحرك ايديها برقص
_ صدقي ان محدش هيوديني في داهية غيرك انتي
....…….…......
جهزت بالليل ولبست فستان يبقى مناسب لأفراح من اللون الاحمر بقالي كتير ملبستش اللون دة ...فاكرة ماما كانت بتحب اللون دة عليا قوي وتشجعني كمان البسة كانت بتحب عليا الالوان وتتضايق قوي لما تلاقيني لابسة غوامق او اسود وكتير كانت تعاند قصي في الحتة دي ...قصي!!
سمعت باب اوضتي بيخبط فتحت لقيتة قدامي
_ مساء الخير يا سلمى ... اية دة انتي خارجة
_ اة في حاجة
_ بطمن عليكي بس ...رايحة فين
_ فرح اااا...فرح فرح واحدة صاحبتي وراحة مع غدير
_ طيب يلا وانا هوصلكم بالعربية
يادي النيلة يوصلني فين بس ...دة اصلا لو عرف الفرح فين مش هيخليني اروح
قربت اسحب شنطتي وابص بصة اخيرة على حجابي واعدل الاكسسوارات بتاعتي
_ لأ احنا هنروح بعربيتي
وسبتة وخرجت ...كنت لسة هنزل الدرج لقيت اللي بيشدني من دراعي
_ سلمى
التفت ابصلة
_ ممكن افهم معاملتك وطريقتك دي هتفضل كدة لغايت امتى
_ مالها طريقتي ما انا كويسة أهو
_ طريقتك دي كدة كويسة
_ قصي لو عايز تتخانق فانا مش عايزة...ممكن تسيبني انزل عشان غدير بقالها ساعة تحت
.................................
_ كل دة يا ست سلمى ...بقالي ساعة مستنيه
مشيت اتجاه عربيتي واتكلمت بنرفزة مقصودة مانا عارفه انه لسه بيبص عليا من شباك اوضتي اللي سبته واقف فيها
_ الاستاذ قصي وتحقيقاتة معايا ...انتي يعني مش عرفاه
_ قصي....هو ...هو فوق
لقيتها رفعت راسها تبص عليه ...يا دي النيله انا عارفة مش هنخلص النهاردة
_ غدير !!!! اركبي
_ خلاص هركب متزعقيش
ضحكت غصب عني على نرفذتها على صاحبتها ... بعدين اتنهدت بملل من سلمى ومعاملتها اللي مبتتغيرش ... التفت اخرج من أوضتها ...قابلني صورة مامتها اللي حطاها عالتسريحة مسكتها بايدي ابص فيها من قرب .. شبه مامتها جدا ... اكتر من أبويا ..يمكن انا شبه بابا أكتر منها ... يمكن دي الحاجة الوحيدة بالنسبالها اللي تثبت اني أخوها
سبتها ودخلت اوضتي غيرت هدومي ورميت نفسي عالسرير من كتر التعب من الشغل طول النهار
...................................
_ بقولك ايه هو انا كدة ماشيه صح ...ولا توهنا
_ لأ صح صح متخافيش ... وحتى لو توهنا فكراني هنرجع واروح ...انا عايزه اخرج واتفسح حتى لو روحنا فين
اخيرا وبعد توهان وصلنا وهي طبعا متحمسة قوي لحضور الفرح دة عرفاها بتحب الحاجات دي وتحب تهيص فيها قوي ...... اخيرا وبعد لخبطة كتير عرفنا الشارع نفسة ودخلت بالعربيه...واول ما نزلنا لقينا ناس كتير قوي في الشارع ودوشة كتير واصوات موسيقى واغاني شعبي واصلة لكل مكان ...قلقت شوية اول ما نزلنا من العربية والكل بصلنا كدة ...بعدين المتخلفة اللي معايا دي اخدتني من ايدي ودخلنا وهي على وشها ابتسامة واسعة ودخلنا ...لقيتها فاجأة سابت ايدي وبدأت تسقف معاهم وانا ابصلها وارجع ابص حواليا بخوف من كمية العيون اللي علينا دي
طب وبعدين بقالها ربع ساعة واقفة تسقف وترقص وسط بنات متعرفهمش أساساً
تعبت وزهقت من الوقفه جنبها روحت لأقرب كرسي وقعدت عليه
وفاجأة لقينا المزيكا فصلت فاجأة والنور طفى وسكوت عم عالمكان...قولت بصوت عالي
_ غدير...يلا نمشي ...هما طفوا النور وسكتوا كدة لية؟!
سمعت صوت جنبي بيقول
_ دة ميمو وصل...
ميمو!!! ....انا سمعت الاسم دة قبل كدة فين....مش دة اللي كان بيتكلم عنه الولاد في الفصل
ميمو
رانياأبوخديجة
واخيراااا ظهر ميمو 🥰😂 بس أكيد ظهورة مش هيبقى عادي ...يا ترى ايه اللي هيحصل ؟؟!
واول لقاء بينه وبين سلمى هيكون ازاي 🤔 كل دة في الباارت الجااي
وياريت محدش يقولي البارت صغير عشان انا عارفة بس للأسف الفيس مش راضي يقبل اكتر من كدة وعشان كدة هعوضكوا ببارت كمان بكرة مش بعده بس لو دة جااااب تفاعل كويس يلا رأيكوااا وتوقعاتكوااا❤️❤️❤️
لقراءة الفصل الثالث من رواية ميمو 👇👇
🌹🌹 الفصل الثالث 🌹🌹
👇👇الانضمام لجروبنا على الفيس بوك 👇👇
🌹🌹لجروب الفيسبوك🌹🌹
او لصفحتها 👇👇
🌹🌹الفيسبوك لصفحة 🌹🌹
إرسال تعليق